متعوضه المره الجايه لو لسه في العمر بقيه مش هاعرف غيرك اعتكف واسكن ديرك مش عشق غير العسل مش ها قطف غير الورد اللي في خدك انا ابوك وانا ابنك و عشقي ليك مش صدفه عشق النطفه اتخلقت في رحم قلبك عشق وتربيت والبيت كان حضنك حضنك وطن بيجري فيه نهر المشاعر وكان قصيده عشق مكتوبه بدم شاعر متلحنه بعود عازف شريف مرويه بصوت حليم الحب لوحه جميله من صنع رسام وكان الفراق حرب نهايه السلام وانا الكروان بسبح رب الملك كان القلب فلك عايم في موج عينك بيشكي اطراف نهاره ويسهر اناء ليلك كان القمر في السماء حافظ مواويلك حلفني ميت يمين ما اعرفش احد غيرك كان قلبي بكر ما اعرفش قبلك كان اللي قبلك قصص تمهيد كانك عيد جزاء للصائم وانا العائم في بحور الرضا والله يا بنت متعوضه
التسميات :
إبداع