الفرشة تنطق بالكلام
لما بتحس الآلام
ارسموني بورتريه
ف كل أوقات الغيوم
العيون دي
تبقي أحلي
تبقي صادقة
ارسموني لون يلالي
قد وجعي والدموع
ارسموني طرح شجرة
أو دواير كالسواقي
ارسموني دعوة حلوة
لسه فيها العشق باقي
عشق جي يقول آمين
ارسموني بورتريه علي صدرها
علشان ملامحي منها
أنا لما بسمع قلبها
أنا لوني لون
قلب الحنين
ف البالتة أبيض كتير
من بياض قلبي البرئ
ارسموني بورتريه
ف العتمة
بيعدي الطريق
ارسموني بورتريه مابينتهيش
كل يوم فيه ملامح
م المحبة والأماني والعتاب
ارسموني بورتريه
لو ف مرة صاحبه غاب
يبقي عايش فكرة عاشقة
فكرة ف وشوش السنين .
التسميات :
إبداع