ما قصدتش أبدا أحسس حد بحزني عليك
لكن وغلاوة روحك اللي
..
صلّت علشان أحلام أجيال
قلبي ال مقدرش يخبي في وجعه
اما واجهته بتقصيره معاك
ليه لما حبايبك كتبوا
النعي ماكانش هناك
!!!
تحت قلامهم بدل الصفحات
وعيونه أقلُه يشوفها الناس بتروي
حروف دعواتهم ليك
حب وتراتيل
زي اللي رويت أحاسيسي بيها
وحسست النيل إن أنا زيك
من غير تكليف
بالرغم إن انت كأنك حد من السموات
ما نكرتش علمك عن تلميذ
ولا عن شاعر ولا عن رسام
فعايزني ما اقولش إن انا عمري ما
قصّرت معاك !!!
طب اقولها ازاي ؟؟
والدمع اتدردب مع بسمة
وما قدرتش أبدا أكفكف فيه
وأنا كنت باقول راح أواسيها
وكارنيهك لسه في شنطتها ومحافظة
عليه
كات ناوية تجيلك بالموال
اللي بتضربه شمس سنينها
في وجدانك نور
فتبّعد عنها وعني الخوف
م الدنيا وحد يزعلها
فأقولك ما تخافش تعاود وتقوللي ياريت
أقدر وما اخافش على
على الطيبة
من كتر ما طب ميزان طيبتك قُبل الموازين
المغشوشة
خليتنا نشوف أكتر واكتر
إن حياتك
..
كانت كلها زرع فضيلة
بتغبطك الجنة وسكانها
على كرم الله ورضاه عنك
على وإن رحيلك راح يفضل
واجع جوانا ليوم ما نموت
فالله يلهمنا الصبر عشان
ما نبوحش لغيره بأوجاعنا على موت
إنسان من أهل الله
كان اسمه (حسن متولي عبيد).,