.jpg)
مصر كانت فى النكسة
مش لابسة حداد
عارفه سكتها وصاحية
تجهز لولاد
بين الدول وقفت صلبة
تعد الأعياد
وناصر يقول انا ماشي
والشعب حزين
ياملهمنا مالناش غيرك
كلنا واقفين
بالأمر دا واحنا جنودك
إحنا الملايين
الشعب قال هنحارب
وفي ست سنين
خدنا بتارنا وعبرنا
وجيبنا النصر
ومصر رأسها هتفضل مرفوعة
من عصر لعصر
الشعب عارف السكة والعزم حديد
والمركب اللى دفتها تجيد التصويب
على طول هتمشي
في سكتها
للبر أكيد
والبدر ينور
لياليها
ويهل العيد
يارب كتر أعيادنا
وفرحتنا تزيد
وجه أكتوبر
والبر التاني اتزوق برايات النصر
وأبطالك اللي
علشانك
أهدوكي النصر
وكلمة نصر
تتسجل فى قاموسك
من عصر لعصر
يابلدي انتي
المنصورة
بإيدين أبطال
خليكي فاكرة جيل
اكتوبر
أبطال شجعان
مدافعهم كانت
بالمايه
وكانت بالنار
لاهابوا بارليف
والساتر
ولا حتى نبال
عبروا والصيحة
قوية
بكلمة الله
والنصر كان ليكي
هدية
وما ليكي سواه.
التسميات :
إبداعات