«مَـــوّال الـنـّصْـــــر».. د. أحمد عبده الأسيوطي

 

أنا ابْـنِ الـسَّــدّ يا بَـلــدي أنا ابْـنِ الـنيلْ

أنا اللي عَبَرْتِ فوقْ أرضِكْ لهيبِ الوِيلْ

دَنا الـمَـصْـري، فـريـدْ عَـصْــرِي

يهُــونْ دَمِّـي، تهُــونْ رُوحِـي

وَانــامْ وَاصْـحَى مــعَ سْــلاحِـي

وَابـاتْ سهْـرانْ مـعَ جْـرُوحِـي

وَادُوقِ الـمُـــرِّ عَـلـشــــانِــكْ

واعِيشْ يا مَصْر في حْضانِكْ

وابـاتْ أهْـتِـفْ وغـنـِّيـلِـكْ واقُــولْ مَـوَاويلْ

دَانا المَصْري، فَريدْ عصْري، أنا ابْنِ النيلْ

أنا اللي عَـبَـرْت فـوقْ أرضِـكْ لهيبِ الويلْ
عَـبـَرْنا لـمَّا سمِّينا

وكبّـرْنا في أعْـظـمْ يُــومْ

ورجّعْـنا كرامِتْـنا

وعِـزِّتْـنا في شَهْرِ الصُّومْ

وِجَا رمضانْ يبَـشَّرْنا
بأجملْ عِــيـدْ

ومصْر تغـنِّي وبتِهتفْ بأحْلى نشِيدْ

وِهِيّ ماشْيَه تِـتـْمخـْتـرْ

وكانِـتْ فـرْحِـتي أكْـتـرْ

هتفـْت بكُلّ وجْداني:
سلامْ يا سـتّة أكـتـوبـرْ

يا يُومِ النّصْر يا مْعطـَّرْ

كتبْتِ تاريخي وتـْسَطـّرْ

بـدمّي وروحي وفـؤادي

دا مالي وكلّ ما عَندي فِدى بْلادي

فداكي يا أمّي يا غالية

فداكي يا مَصرْ

بكلّ الحُــبِّ ضحِّتـْـلِـك

وجِبْـت الـنـّصْرْ

وطُــولْ عُـمْري هَـغـنـّيِـلِـكْ

وقُـولْ مَـواويلْ

دنا المَصْري، فريدْ عـصْـري،

أنا ابن النيلْ

أنا اللي عَـبَـرْت فـوقْ أرضِـك لهـيـبِ الويلْ