وطارت بيا احلامى
لحد ماتهت جوايه
فضلت احلم كتير فيا
وعملو قصتى حكايه
جريء وخدتنى افكارى
لدرجة إنى بتبخر
واكون ويا الهوى طاير
وبرسم ألمى وشقايه
صحيت ليلة من التوهه
لاقتنى بعارك الأفكار
وكانت فكرة شغلانى
بفكر فيها ليل ونهار
بإن أرمى الهموم وارتاح
كفانى جراح
واعيش زى الخلايق يوم
بدون اشعار
خدتنى الكلمة من نفسى
وخلتنى اعيش سواح
وارسم بالقلم حكايات
ماليها عذاب وشوق وجراح
وقلبى ساعتها شايفه سعيد
مفيش ذرة ألم جواه
ويكتب عن شقى العشاق
وليل يطول ملوهش صباح
ياقلمى سيبنى يوم ارتاح
وماكتبش قصص عشاق
ونفسى احس لو مره
وادوق لحظة ألم وفراق
واعيش زى اللى حب وداب
وغاب عنه الحبيب ولاجاش
ومن كاس الفراق يشرب
وبعد ماغاب عقله فاق
التسميات :
إبداع