ضحكتك
شارع كبير
مرصوف خطاوي رقصة فالس
وانا قلبي فص داب ف دمك من سنين
مش قولتلك انت الهوا
وان النفس مش اكسجين ؟
وان النغم من ضحكتك راسم خطاوي المؤمنين ناحية سعادة للأبد ؟
مش قولتلك.
إن الفصول اتجمعت علي ناصية الحلم الي كان يومها اتولد
من وعد خدته مني ليك
مش قولتلي انك شريك لو حبي شجرة معصية
وان انت ادم جوا جنة وجوا ارض
وان الحياة راح تبقي برد
لو مرة هنسيب نفسنا لثانية غياب ؟
وعشان كدا قلبي الشقي
قرر بطيشه يسكنك
ويدوب ف دمك يحضنك
وكأنه فص ملح داب
التسميات :
إبداع