وتنسيني وأفتكرك
وأمشي لك وأناجيكي
وف العتمة الاقيكي
مع الحيرة مع النسمة
ما بتداعب سواد شعرك
وانا أمرك دا جوايا
وانتي وجعي ودوايا
وحضنك هوا عنواني
وأحزاني
دموعها باينه ف عنيكي
وأنا بيكي
ألف الدنيا واتباهي
ولو هاتحط في متاهة
انا أطلع منها علي صوتك
يناديني ويسقيني
يوديني علي بكره
وأناحالم بكام فكرة
حروفها تبان علي وشك
ولاتخافي
انا أكتافي قوية وبيكي تتحمل
وهنكمل
طريق الشدة ونعدي
ونتلاقي علي شطك
ومركبنا اللي عاش تايه
مع شروق الأمل يوصل
وتحلي الصحبة واللمة
التسميات :
إبداع