منطقة تجنيد كبيرة
واحنا واقفين في الصفوف.
اللي واخد كشف عيلة
واللي لسه السن بدري
واللي عمره قطْرُه فات
واللي ماسكين له
دفوف.
الإمام واخد أوامر
يبقى واقف
وشّه لينا.
وشّه ياااا الله..
بنحمد ربنا وفضله علينا
إنه منّه ها يعافينا.
واحنا في وقت استراحة
والنكت جاية
وراحة
والوشوش
فيها سماحة
و(رشّة الميّة بوقاحة)
م الجيران
كانت
قباحة.
الإمام وبكل قوة قال:
سكوت..
ثم استقيموا.
القلوب اتلبّشت
وبدأ بترتيب الأسامي:
_طه_رامي
بسمة_سامي
يَمَنِي_شامي
فاطمة…
تأجيل
لسه بدري شوية دوركم.
..
_(ابن متولي)
يجيني
انتباه كده عن يميني..
يااااا (حسن)
لايق..
ودِيني.
استلم بدلة زفافك.
احنا حافظين لك مقاسك.
الزفاف الساعة واحدة